Tales of Arise je najnoviji, sedamnaesti, nastavak popularnog akcionog RPG serijala Tales.
Bandai Namco Entertainment stoji iza ovog dugo očekivanog naslova.
Radnja igre je smještena između dvije planete, Dane i Rene. Tehnološki i magijski naprednija planeta, Rena, iskoristila je svoju nadmoć, osvojila Danu i vekovima izrabljivala njene prirodne resurse, a njeno stanovništvo porobila. Sve počinje da se mijenja kada glavni junak igre, Alfen sa planete Dane, odluči da tome stane na put. Tokom putovanja, upoznaje se sa Šionom, misterioznom djevojkom sa Rene, sa kojom udružen nastavlja putovanje. Uprkos svim njihovim razlikama, zajedno se bore da promene budućnost Dane i svoje sudbine, a vremenom im se pridružuju saveznici sa obje planete.
Srž igre čine spektakularne borbe, brze i napete. Svaki od likova iz vaše ekipe bori se na svoj način, koristeći drugačiji tip oružja. Osim toga, svima im na raspolaganju stoje jedinstvene borbene sposobnosti koje mogu preokrenuti tok bitke. Iako su borbe glavni adut igre Tales of Arise, postoji pregršt aktivnosti koje vas čekaju i van njih, od istraživanje raznolikih krajolika, do pecanja, kuvanja i bližeg upoznavanja sa saborcima.
Za razliku od prethodnih igara iz serijala, Tales of Arise ne nudi mogućnost igranja sa više ljudi. Da bi se nadomjestio nedostatak multiplejer opcije, omogućena je interakcija sa likovima koje vodite u toku bitke. Oni u borbama mogu da povežu lanac borbenih akcija i tako naprave jaču kombinaciju napada koja će više oštetiti neprijatelje i dovesti vas brže do pobjede.
Grafika je podignuta na viši nivo upotrebom novog atmosferskog šejdera, koji kombinuje vodene boje i anime stil slikanja. Zahvaljujući njemu, svijet u kome se odvija radnja igre je realisičan i fantastičan u isto vrijeme.
Tales of Arise predstavlja pravu poslasticu za ljubitelje serijala, ali i odličnu početnu tačku za nove pridošlice, zahvaljujući modernizaciji koja je izvršena na polju kontrola i pojednostavljivanju raznih nepotrebno kompleksnih sistema.
https://www.youtube.com/embed/8Ul6DMPIfTA width=640>
| Karakteristika |
Vrednost |
| Kategorija |
PS5 igre
|
| Izdavač |
Ostali |
| Pegi Rating |
18 |
| Platforma |
Playstation 5 |
| Žanr |
Horor, Survival |
