Društvena igra Detective Club

Detective Club je veoma slična igri Dixit i Spyfall, tako da ukoliko voliš društvene igre tog tipa, onda nema greške. Ovo je igra asocijacije i skrivenih uloga. Osim interesantne i zabavne mehanike igre, tu je i fantastičan dizajn komponenata u kompaktnoj limenoj kutiji. Kutija će se odlično uklopiti na tvoju policu omiljenih i često igranih društvenih igara. Nema gužvanja i lomljenja.

Igra koristi velike karte koje imaju apstraktne i zanimljive ilustracije, nalik kartama u Dixit-u. Karte ćeš koristiti kao alat u davanju asocijacija. U svakoj rundi, jedan od igrača će predstavljati "Zavjerenika", koji će na slijepo morati da pogodi zadatu asocijaciju na početku runde. Zavjerenik će morati da se koristi dedukcijom i dobrim čitanjem ostalih igrača, kako bi se neopaženo provukao kroz rundu i osvojio poene. Budi spreman na malo laganja i obmane, jer ćeš na kraju svake runde morati da opravdaš svoje odigrane karte tokom runde.

Još jedna prednost je da kartice iz Dixita i Detective Cluba možeš kombinovati i miješati, tako da obje igre dobijaju dodatno na sadržaju. Takođe Detective Club sadrži duplo više karata u odnosu na osnovno izdanje Dixita, pa je odnos cijene i kvaliteta definitivno na strani novog hita!